Online Publishing Cooperative, Kayatyo?

No malagipyo pay daydi nairugik a paskil, Nagrigat Ketdin ti Marigrigat, nairuanganko ti maysa a panggep a kas ti Ilocano Online Cooperative Publication. Desididoak iti daytoy a panggep gapu ta konbinsidoak iti tignay cooperativa. Iti daytoy a tignayan nga agob-obraak ket ammok nga adu ti maitulongna daytoy a kas alternativo a wagas ti panagbiag, alternativo ti kapitalismo ken socialismo a tignay. Ti cooperativismo ket adda iti baet dagitoy a tignayan.

Ket ammok a mabalin daytoy a tignayan a kas dalan ti pannakataginayon ti Literatura Ilokana. Adu ken adunto pay ti naayat a mangpasantak ti literatura ilokana ket babaen ti nain-cooperativaan a tignay, panagkunak ket na-an-annayas ti tarayna. Daytoy ket saan a maaramid a gunglo a kas GUMIL wenno TMI. Online daytoy a gannuat. Adda inrugik a blogsite ket no kayatyo a bisitaen, mapankayo ditoy, Ilocano Online Publishing Cooperative, ket mangibati kayo ti komento no kasano a maaramid daytoy.

Sapay koma ta suportaranyo daytoy.

“Kallautang: Poetics of Diversity” is out

Poetics of Diversity

Launched in June 2009 and to be re-launched at the 4th Nakem International Conference, University of Hawai’i at Manoa. Excerpts of the book have been uploaded in http://asagcaoili-ariel.blogspot.com/as well as in aurelioagcaoili.wordpress.com. Edited, translated, and with a critical introduction by Aurelio Solver Agcaoili (TMI Global Press 2009). Partial funding for publication from a competitive SEED grant awarded to the author in 2008-2009. For orders, write to: nakem2009@yahoo.com.

Some of the poets in the diaspora included in this work are Melchor Agag, Mario Abinsay, Jeremias Calixto, Cristino Inay, Prodie Padios, George Pagulayan, Pacita Saludes, Perlita Sadorra, Cresencio Quilpa, Francis Ponce, Razi Quiamas, and Amado Yoro.

(Syndicated from: dadapilan.com)

Nagrigat Ketdin ti Marigrigat, 1!

Whew! Agistayan saanak a nakastrek ditoy abongkon. Saanko met nga ammon aya ti rumbeng a tulbek ti ruanganna daytoy a kalapawko. Pirmi a pinarigatnak. Sinukitko la ket ngaruden sadiay emailko ket agyamanak man iti WP ta inikkannak manen ti baro a tulbek. Insublikon ket pinabarok metten ti tulbek.

Kastoy man ti kunana: “Incorrect Username or Password”. Ay, apo aya. No maibayagka gayam ken malipatam amin a minimini ti panagserrek. Kasano ngata met dagiti maibayag nga agkalkallautang? Masarakanda ngata met ti umno a tulbek iti umok?

Diaske ketdi. Kinugtarak daytay musak ti literatura ket ‘wan metten ti agpresenta a sukatna.

May man ta biag ken politika ti intay man ket binsiren. Saan a dagita cha-cha kas kada eleksion ti kunak. Dagitoy iruanganko itatta ket masapul ti political will.

Makonsensiaak ngarud ta naglumenak ditoy tapno irugik man met ti kunkunak a “Quest for Money Online”. Nangipatakderak ti sitio a pagkayasak man ti wagas a pagaramid ti kuarta. No kayatyo a pasiaren ket daytoy ti naganna: MONEY $ WORK @ HOME.

Neay, baro pay ketdin ti panagi-insert ti link ditoy WP.

Adda pay maysa a pakakumikomak. Isu daytoy ti abong a pagipenpenpenak kadagiti masukimatko a damdamag ken wagas maipanggep ti Non-Hodgkin’s Lymphoma, maysa a klase ti sakit a mabalin a kanser nga isu met ti sagsagabaen ita ti madaydayaw nga inak. Mabalinyo met a pasiaren ngem madama pay laeng ti pannakasigpetna dagiti  pan-awna. Isu man daytoy, STOP LYMPHOMA CANCER (PHILS).

Pagpasensiaandak bassiten ngamin ket masapulko ti sponsors tapno makaurnongak ti pagpaagas ti inak. Ditoy met ngamin WP.com ket saan a mailubos ti sponsor ads ken donation button ti paypal. ‘wan met ngarud ti igatangko ti domain name ken pagabangko ti site hosting.

Ala ket no kayatdak latta met a suroten ket agsubscribe kayo kadagiti blogsko a dua. Madama pay ketdin met ti balabala ti maysa a sitio a pagkaduanmi ke Ka Eli, mabalin pay a mairaman ni Ka Jake wenno ni Ka Roy.

Adda pay maysa a planok a mabalin a makatulong kadatayo amin. Apay a saantayo agipatakder ti website a pakaidownloadan kadagiti liblibro a sinurat dagiti Ilokano? Mabalin nga e-book ken mabalin met a Paid E-books.

Imbes a gumastotayo pay ti pannakaimprintana, idownload laengen dagiti mayat nga agbasa ket makaammodan nga agiprinta. Siempre, per print a ket adda bayadna. Saan met a maidownload no ‘wan bayadna. Kasano Ka Agca? Ka Jake? Ka Roy? Ken aminen a mayat a makigamulo. Ti maysa pay a mayat a konsepto ket daytoy a site ket aramidentayo nga online cooperative. Nalabit datayo ti umuna a Online Cooperative Publishing.

Wen, kada miembro a ket masapul met nga adda itedna a share capital. Editors? Makaammo kayon nga agbirok ti editors.

Adda koma pay ipostek ditoy maipanggep ti kinakurapay ngem inton bigatton. Kuna ti Washington Post, iti posteda idi Mayo 28, 2009: Politics of Poverty: Poor are Paying the Most.

La ketdi a. Di met?

Tingkering with Arapaap Template of Jake F. Ilac

I would like to acknowledge all people who dropped by this site.

Sorry for the No New Post. I am presently busy using the Arapaap Template of Jake F. Ilac with my new blog Money & Work @ Home. I want to chronicle my quest on how to make money online in just a click, about work and home, and of course, my rants and ramblings on politics, on cultures, on literatures and with some current events.

I just would like to test if these blogs parading slogans “Make Money Online” are saying the truth.

I will be posting some “daniw” soon. For the meantime, accompany me at Stop Non-Hodgkin’s Lymphoma Phils. or at Money & Work @ Home.

See you soon.

Karit para iti GUMIL

Iti tengnga iti agsasamusam a parikut ken risiris dagiti saan nga agkakatunosan a pluma dagiti mannurat nga Ilokano a mabalin a makapahayblad pay ketdin a mabasa kadagiti chatboxes ken fora dagiti community portals ti Ilokano, a, mabalin a makauma ken makarengreng a madagdagullit, adda ti maysa a dangadang ken TIGNAY a mabalin a sangwen dagiti mannurat a mabalin nga ipanguloan dagiti miembros ti GUMIL.

Isu daytoy ti dangadang ken TIGNAY ti pannakataginayon ti sao/pagsasao nga ILOKANO. Mabalin a kunaentayo nga aningaas pay laeng daytoy a parikut, a, mabalin a kunaentayo a saan pay unay naanglem ti itdenna daytoy nga angot ken adayo pay laeng iti dalem ti kultura Ilokano ngem adda ditan ti sayamusom ti sumsumngaw a kinaliput a tignay dagiti mangtirtiris kadagiti rehional a lengguahe.

Adda ditan ti in-inut a pannakaungel ti sao/pagsasao nga Ilokano. Adun ti ubbing a mabainen nga agsao ti Ilokano uray man no patneng nga Ilokano koma met. No dumtengto ti panawen nga awanen ti mayat a gumatang/agbasa ti Bannawag, adda pay kadi serserbina dagiti awanan anag a kinapangas dagiti mannurat nga Ilokano? Siasino ti mangbasa ti iparparammagda a kinalaing?

Daytoy ti karit. Kasano a sangwen ti GUMIL daytoy Executive Order No. 210 dated May 17, 2003 ken daytoy a Dep. Ed. Order No. 36 (2006)?

Nalawag met siguro a pangrugian daytoy Section 7, Article XIV, of the 1987 Constitution:

“For purposes of communication and instruction, the official languages of the Philippines are Filipino and, until otherwise provided by law, English.

The regional languages are the auxiliary official languages in the regions and shall serve as auxiliary media of instruction therein.

Spanish and Arabic shall be promoted on a voluntary and optional basis.”

Ania met ngay ti aramiden ti GUMIL ken ti Ilokano Community iti daytoy a linteg?

Urayentayo kadi pay nga adda maaramid a linteg tapno matungpal daytoy: “until otherwise provided by law, English”?

Adda ken adu met ngata ti kas kaniak a mangpadpadaan kadagiti addang a mangsalluad ti bukodko a pagsasaao.

Ti saludsod: GUMIL, ania met ti addangmo?