tinakawda ni Urduja ti Pangasinan

Ket adda naaramid nga animated film maipanggep kenni ingungotenmi nga Bini Urduja. Kuna ni Sir Sonny Villafania a sabali met ti sarita ti pabuya ken awan a pulos ti sao a Pangasinan a nailaok la koma met. Inibbungda ti Pangasinan. Buyaenyo ti teaser.

http://www.youtube. com/watch? v=TRFIFMWCRVs

Saan a maawat ni Magillion ket nagkomento idiay Youtube ngem pinarupaanda iti “pag ginawa ba sa Pangasinan, may manonood ba?” Tinakawda ngaruden, inlakoda pay. Pinagbalinda a Tagalog ni Urduja, sinukatanda pay ti pakasaritaanna. Anian a kinangdok ken kinadang-as!

 Lineppasda ni Mumbaki, ni Urduja. Isarunodan ni Gabriela ken Diego wenno ni Lakay Belong. Ay-ayamenda metten dagiti anito nga annabu ti puli. Bay-an tayon ni Imelda uray no pagintsikenda.

Tinakewda la lanti si Urduja, pinantagalogda ne. Aliing tila komon ed pakaugep itayo. Ikana tila so pansansia’y Pangasinan!
 

sidetrip(ilokano)

“Imbag pay idi, dagiti aktibista, maidarum laeng, kasla kaniak.
Ngem ita mapapatay laengen.”
-Ronald Sendrijas

Napukawen dagiti turod ti namnama
a nangsurotam ti pudno iti labes
ti puseg ti Ilog Inabanga nga agay-ayus
dita pusom ken ti danum ti iraranget
a tawidmo ken Francisco
ti rebelde a sinurotmo ket agayus dita kinataom
a kas met dara a nagayus manipud kenkuana.

Agluaska ken wen, ibagam dagiti sarita
ditoy iti baet ti agus ti Ilog Inabanga
ti rabaw ti penned ken ti ridaw ti siwang
iti burubor ti panakaipasngay
ti ipapatay ket daton ti saranget ti panagitudo
dagiti nalawag a riyaw a di pay nangngeg
dagiti tuleng ken welwel a lapayag.

Ala, inkan, ket ibagam ken Francisco a sika
a simmurot kadagiti desdes nga inasakna
ti saan a nakalipat a nangammo kadagiti tanda
ti saan a nakalibas a nangrikna kadagiti ut-ot
ti saan a nagam-amangaw a nangibiag kadagiti tagainep
ti saan a nangibati kadagiti tattao iti dana

iti wayawaya sinangalmo ti lugarmo
iti plaza ti batonlagip ni Dagohoy a lugar
dagiti panaginnala dagiti turista
iti ladawan ken laglagip a postcard ken ads.

Ala ibagam ken Francisco ta agsubli
a mangbuya ti pannakaidadanes ti agrukbab
ken ti pannakaagab ti pannakaipasngay
ken ti aldaw ti panagdayaw
(ken, ne, adda pay laeng rusokda
a mangidaton ti sabsabong.)

Ala, inkan, isu daytoy ti sidetrip
ti biaje ti maudi a balikas.

sidetrip

“Mabuti pa dati, ang mga aktibista kinakasuhan, katuladko.
Ngayon, pinapatay na lang.”
Ronald Sendrijas
(Qouted from Howie Severino’s Sidetrip)

Gone are the boondocks of hope
where you traces the truths beyond
the navel of Inabanga’s river flowing into
your heart and the fluidity of rebelling
your inheritance from Francisco,
the rebel you admired that flows into yours,
your red blood that flows from him.

You go and tell everybody the telltales
that here, at the midst of Inabanga’s river flows,
overflows, outflows and inflows of the birthing,
dying is a gift of rebelling, of pointing the clear
of shouting the unheard on deaf ears.

You go and tell Francisco that you
who walks on the trails he paved
never falters to know the signs,
never falters to feel the pains,
never falters to live the dreams,
never leaves the people on the road

to redemption you sculpted your place
at the plaza where they put Francisco as tourist
spot for pictures and memories
for postcards and ads.

You go and tell Francisco to come back
and watch how they kill his admirer
and rob his birth and day of reverence
and yet they still have guts to put flowers.

You go and take the sidetrip
as we write another postscript.

narasan ya dila

pinigarpigar ko yan likna
pianu agak makaugep,
sinakeysakeyko
ya indelnet ed nonot,
say tua et siak
narasanak ed bukorkon dila
komon, sakey labat
ya kamot ed sakey ya salita
wadmanakla ed abong…..

Natan, on, natan antak
ya maliwliwawa ed ayan linawa
ya siak aliwan baaw labat so tinakewda
ya siak tan sayan bilayko et angapola…

Say irap so onsimpet angad tukok
angad sampot na pagew no antak
ya angapola’y nasabi
en sayan panagsimpet.

kutkotenko lan amin
amin a naiyan ed baul
na angano sakey labat ya salita
no sikatoy nepeg
so unsimpet ed sayan panagsulat
na anlong ed sayan kugip…

padasek laeng, ituloykonto he he…

mabisin a dila

pinirsapirsayko ti riknak
tapno saanak a makaturog,
sinaggasaggaysak
nga indennet ditoy nakem,
ti pudno ket siak
mabisinak iti dilak
koma, maysa laeng
a kammet iti maysa a sao
ket addaakon ti taengko…

Tatta, wen, itatta ket ammok
a naglawag ti riknak
a siak saan laeng nga innapuy ti tinakawda
a siak ken ti biagko ket awanen..

Nagrigat ti agsubli iti lansad
iti murdong ti barukong no ammok
nga awanen ti aguray
iti daytoy nga isasangpet.

Kinalik aminen
aminen nga adda idiay baul
ta uray maysa laeng a sao
no isu ti makapudno
a sumangpet iti daytoy a panagsurat
ti daniw iti daytoy a tagainep…

Ingel ti Basi ti Lumboy

Painumenka kunak ti maestro
dagiti arimpadek ti dangadang. Di agdudua
awan pangadua nga adda lebben a basi
ti lumboy a dara dagiti ranget
ti narra ken batikalang a teddek
ti nakaiyanakan nga Amian.

Mamatiak ken, wen, ammok
ti pudno: awanen dagiti lumboy
ta nagbalindan a tingal ken tekken
naputedputed a kas baratillo a sirmata
nakiinnarakupdan kadagiti maidarusdos a lagip
dagiti nagawan nga imeng ti pakarso
a duayya iti malem ti Amian.

Anian ta ditoy laengen a sirok
ti alipuspos a mapilit ti kurimbara
a mawagwag dagiti kuribetbet
a mapidut dagiti kurriit
a makulog dagiti lumboy iti in-inaka.
Anian ta ditoy laengen a tukot
ti barukong a mapespes dagiti tubbog ti ingel
sa maidulin iti prasko a tawid
sa mayuray iti salemsem ti idadateng.

Adda ket wen, kunak, addanto latta
tumakder a lumboy kadagiti nagpanawan
kadagiti kursada a nagawan
kadagiti turod a nakikakaasi
kadagiti ingel ti baet nagtakkub a pinggan.
Adda ket wen, addanto latta
ti atibuor ti dara ti mutektek
a lumboy a sallukob ti pakarso
a kamang dagiti anito a nagkallautang.

Wen, itinto kalgaw nga agsabat dagiti isip
rumsik met dagiti aningaas ti abrasa.

Aggarakgakto ti basi ket agrennek
a makiinniliw kadagiti anito a dumteng.

sangadakulap a namnama

Agaliseksek latta ti kusay
ti gagem ti gemgem a naitag-ay.
Adda latta rukkuas
kadagiti baringkuas ti parbangon
ti nakem a tallipuagaw.
Agkulibagtong dagiti sukdip
ti tarigagay kadagiti arrabis
a gurit iti bengkag ti away
ti sangadakulap a namnama.
Agpatangken ti pus-ong
ti kada iras a mabukel ti tignay
dagiti kurimed nga arasaas,
ti limed nga anasaas
a maabbukay ti baet
arakup ni rag-o ken rugso.

Agtaraok dagiti manok
ket maibuang dagiti penned.
Agtubo met dagiti bunubon
ti tignay ken tagainep.

kebba ti panaguray

(kenni zoraida)

inpukpukkawko idin ti naganmo
ti baet alingasaw limned a ling-et.
inkur-itko metten dagiti rag-o
iti panagsangbaymo kadagiti regkang
ti pader a nasibugan angseg ti isbo.
intanamitimko metten dagiti araraw
iti baet singlot ken saibbek.
ingamerko metten dagiti dasar-sagana,
ella ti puso ken nunog ti panunot
ti baet tangguap ken payubyob,
ti baet kanakliing ken sunel
ti naglumenen a kanito
ti no manon a panawen.

napasag manen ti kalgaw.
nagdara ket naitabon ti liwengliweng
ni lagip iti maysa a malem.
agarimasa met ti muttaleng a langit
ket agkubukob dagiti billit ti leddaang
ti pannakapukaw aranaar-segga
iti inka panagsubli iti rugi
ti maysa manen a berso
ti daanen, di pay nalpas a daniw.