Adda Arte ti Pungtot ti Saltek


Agpungtot met uray ti saltek nga agpadaan
kadagiti darikmat nga agsangpet.
Maisagud met ngamin dagitoy kadagiti check point
wenno choke point dagiti mareppet a supot
sadanto met manen maisaluksok a kas pasuksok.
Tsk tsk tsk a lattan ti agallangongan kadagiti diding
sa met laeng sumurot kadagiti tubong
dagiti bautek a dumugsol kadagiti pasuli
ti pagsasabatan dagiti sallabawan didiay senado
didiay met palacio
uray met ditoy abong.

Adda met ketdi rag-o ti rikna no kasta
nga adda maipalsi-it a tanektek
kas tanda ti panagsangpet ti kuarta
kas tanda ti panagsungad ti sangaili
kas tanda ti sangkailian kunak koma a
sumurong ket makiranget ti sipnget.

Agtayyek dagiti mata ti saltek
ket makulkol a kas alipuspos
agpungtot sa in-inut
a dumupir kadagiti akin-iggem
ti binulbulod a raya ti giya.
Ket: masiim dagiti agrikusrikos a simutsimot
santo masipdut ti puot ket agpukaw
ti damag dagiti naisagud a darikmat
ti damag dagiti nareppet a sinupot.

Tsk tsk tsk latta manen ti agaweng kadagiti diding
sa met laeng sumurot kadagiti tubong
dagiti bautek a dumugsol kadagiti maipaspasuli
ta agsasabaten dagiti sallabawan didiay salas
ti husgado ti senado ti palacio.

Bulodek man ngarud daytoy,
ngamin kastoy ti kur-it:
ti agtultuloy a tanektek ti apagsipnget
ket: Hah! Tsk tsk tsk.
Adda arte ti pungtot ti saltek!

Advertisements

About Ka Loren
Siak ni Florentino B. Lorenzana, maysa a Filipino, Ilokano ken Pangasinan. Naiyanakak innem a bulan kalpasan ti deklarasion ti Martial Law ditoy Pilipinas. Madama a makumikom iti tignay kooperatiba.

11 Responses to Adda Arte ti Pungtot ti Saltek

  1. brainteaser says:

    Manong! Wazzup’en?

    Read this in Bannawag. hahha!

    Anian. Agkaramayat, kabsat!

  2. anian! anian…mapadayawanak kunak koma. nagbalin metten a “mapadayanak”. hay….

  3. agyamanak Apo RVA. mapadayanak iti isasangbaymo manen ditoy abongko. Mabalin pay ngata? Ipadasko a bareng makatukod iti pangrukodan dagiti taga Bannawag…

  4. rva says:

    napintas ken nagbileg daytoy daniwmo, kabsat! ipaipablaakmo met koma pay iti Bannawag. tapno ad-adu ken ad-adda pay a maammuan daytoy nga arte-mannaltek dagiti saltek.

  5. Hello met Madam. An’a aya ti hello ti ilokano? Mayat nga agpayso daytoy a panagsaraaw ta no agsardeng ti panagsaraaw ket addan ti pannakabsog ken pannakapnek ket mapukawen ti arte ti pungtot, ti arte ti panagsibbarot, ti arte ti makagat a bibig, ket ti arte ti anak ti sal it!

    Ur urayek ti postem a maaramid ti sao nga Isinay tapno pilitek met a maam-ammo daytoy a balikas. Ibiag no isu, he he…

  6. brainteaser says:

    Hello, gagayyem!

    Itak laeng a nasiputan ti baro a postem, Ka Loren! Haynaku… mayat kabsat! Ikkam latta, ala.

    A, panagsaraaw ti bagi, ti kararua, ti isip, ti nakem… magustuak man dayta kinunam, Sir Ariel!

    Good day to both of you. 🙂

  7. kasta koma met kenka, mannaniw a dumadangadang!

  8. ti rambak panagungar ti APO ket isu koma ti mangited ti naynay a gin-awa kadatayo amin, Maestro.

  9. ala, kasta. parte ti panagsaraaw ti panagdaniw. no awan saraaw, awan daniw. that is the metaphysical and revolutionary puzzle and paradox. agingga itatta naynay pay laeng ti panagsaraaw ti nakem ken isip ken kararuak–if this should console you. bet ya: HAPPY EASTER, POET AND REVO!

  10. naragragsak koma a Apo no saanen a dumikar ti panagsaraaw. Naapapges met ti boksit ngem ti masaplitan a likod a penetinsia. Tinawen laeng ti panagsaplit, ngem ti panagsaraaw, inoras oras bossing…

  11. daytoy man ti pungtot ti saltek! naragsak a lunes ti panagungar!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: