Panagsibarut ti kanito


Awan sa metten oras a para iti daytoy lunod a panagsurat, panagpanablaag, ken ania pay a pakasikurak ditoy a lugar wenno abong. Umanay sa met laengen ti panangilukat ti tawa ken panagbilang ti simmangbay a tugtugot, yos.

Masibbarot met aminen a kanito iti panagsapul ti kakaisuna a siping kas pamedped bisin wenno saraaw ti agngangnganga a ngiwat dagiti pinutot. Duada pay laeng ket kasla met dataon agbullad a mangsango kadagiti maigabur a pappapel ditoy sanguanan. Saan payen agsusurot dagiti pirma ken kur-it. Appo ta nagrigat ket ti agsibbarot ti uray apagkanito laeng.

Itatta nga inbislinko daytoy a kur-it, adda madama nga agpaspasulpeng a dua a Branch Managers ti cooperativa ditoy ayanko nga branch. Kunak: agsursuro kayo nga agkudkod ti nagatel dita panunotyo laeng. No agtuloy kayo, saanyon a masango nga igaw-at ta ramayyo iti parte a nagatel. Yos! Nagngangada ket kasla agawidan san, he he he. Kunak manen: Agkubbo kayo a mangisakad kadagiti gagem ken arapaap dagiti pada tayo a mamirmiraut. Awan ti mauray tayo a gasat a kasla ken Marimar. Awan ngamin ti agbida a pobre, piman. No adda man, matay met ken kriminal. Animal ketdi! No adda man ti rugi laeng ket bigla met laeng a bumaknang. Ania itayen iti tawag daytoy iti latin wenno francis? A, diak ammon basta adda awagda iti sabali a pagsasao.

Ania pay ngarud, dawatekon a ti anusyo nga aguray barbarengli addanto met laeng nasayaat a maipanablaag. Agyamanak ketdi a ti kinanayon nga idadanonyo uray awan man laeng iti maidasarko a pamedped.

Agtangep pay a kadi dagiti ngiwat dagiti pitpitingko ken mangegko koma met ida nga agtik-ab.

Advertisements

About Ka Loren
Siak ni Florentino B. Lorenzana, maysa a Filipino, Ilokano ken Pangasinan. Naiyanakak innem a bulan kalpasan ti deklarasion ti Martial Law ditoy Pilipinas. Madama a makumikom iti tignay kooperatiba.

3 Responses to Panagsibarut ti kanito

  1. good poetic phrase! do it.

  2. Wen, aya, apay ket a pilitek a lagipen ket saanko met a pagsasao. Wen, AGRA, dayta ken dayta ti umiso nga awag. Ngem, piman pay, ta adu latta ti agar-arapaap a maparangkapanda iti gasat dagiti bida ti telenovela. Gasem aya ti oras a mapukaw ti panagmuttaleng idta cajon ti kinabuakaw ken pirak a maibayad ti kuriente a mausar. Ngem, ania ngarud, umanay lattan a ngata nga igiddan iti makutsara a lugaw. Ta telenovela ket pamedmed ti saraaw….(mayatsa ket daytoy a daniw a: telenovela kas pamedmed…)

  3. babaamon ta latin ken frances. basta, iti Ilokano, dayta ti pamuspusan: agraraman nga agbaknang. ti awagko: AGRA! now, now you get it. dagiti AGRA!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: