Ti Maestro ti Dangadang


ti lasag ti metapora ket adda kenkuana,
kenkuana isu ti mapirsay a maidasar
ket ti asin a maiwarsi a pagbuniag,
isu ti mairidis ti dakulap a naikari
a pangsullat iti giwang ti tayab.
ket ti garakgak ti apuy it lagangan,
isu ti patigmaan kenkuana ti irurukkuas.
ti ammusay ti pusa isu met laeng ti sinial
ti panagpadaan ti damag no adda pay laeng
ti maregmeg ti dulang a lona
ti agdadata a kinaawan ti biag,
ti biag ti amin a nasibbarot a kanito.

ti balikas ket kadre kaniana
a testamento kadagiti addang ti ranget
ti ipupusay ti darudar kadagiti bakras
bantay ken dagiti tanap. uray pay
kadagiti dan-ar ken kadagiti tay-ak ti bakal
ket maikur-it santo maikitikit a kas daniw,
agdara daradara a maikasa a kas paltoog
a maipaturong ket bumtak kadagiti mannibrong.
uray pay dagiti apostolado ti bendisyon
ket saan a mapakawan a nakaparintumeng.

kenkuana agpusipos latta
dagiti buok ti alipuspos ti ranget
uray pay ti apagsipnget. maiparukupok latta met
ti dara ti kurrarayan a maidadanes santo
maisarukang a marikusrikos mairikusrikos
agalimpatok a kasla kali ti tangatang.

abelenna ti nakem dagiti rinibu a sanaang
dagiti an-anito ti Amian ken agarikenken
dagiti sabali ti sala a kinuton.

ti tunggal mapasag nga aldaw,
maisukdal dagiti lagip ket mairikus
kadagiti banbantay. ti tunggal maitabon
nga init adda latta panagayab ken panagsubli.
ditoy a maduyok ti barukong ken ditoy met a mapisi
ti sabot ti nakem ket agallangogan
dagiti yagyag ti Maestro ti Dangadang
kadagiti gerrero ti puli: rumkuas dagiti arimpadek,
mabalkot dagiti metapora a kas balon,
mapirit dagiti asin a kas anib,
matapik dagiti balikas a kas kadre,
maikasa dagiti daniw a kas paltoog,
mapadara ti kurrarayan a kas daton
ti ranget ti baba ti alipuspos ket agtultuloy
agtultuloy a di agressat uray ti apagsipnget.

Advertisements

About Ka Loren
Siak ni Florentino B. Lorenzana, maysa a Filipino, Ilokano ken Pangasinan. Naiyanakak innem a bulan kalpasan ti deklarasion ti Martial Law ditoy Pilipinas. Madama a makumikom iti tignay kooperatiba.

9 Responses to Ti Maestro ti Dangadang

  1. RVA is one of the most generous and highly professional Ilokano writers we have got. Some others do not have his objectivity, courage, and vision. He can say things to your face very very subtly. And he is brilliant. He will become a pillar–if he is not already one–of Ilokano and Tagalog writing. I only wish he will pursue Ilokano writing more and more.

  2. Sapay koma a ta maikarkari datao nga umasideg man laeng kaniana, Apo.

  3. isu ngarud nga agsingsingpetka, ka loren! ni RVA, maysa kalaingan iti henerasionna. isu a dumekketka kenkuana tapno lallalo a sumidep ti nasken a sumidap kenka. dagiti anitos ti adda kenka.

  4. Apo unay a dayaw daytoy a blogko ta addakayo Apo RVA ken Apo a Maestro! Anusak a kayasan ti lapisko ken in-inutek a imutektekan dagiti tugtugotyo.

  5. o, nalipatak! daytay bad influence, dayta, dayta. kitaem da Horge ken Loren. di kadi ta isuda ti prima facie nga evidensia ti BI? bad influence dayta. dagiti anito ti adda kenka ken kadakayo amin!

  6. but of course, Roy Aragon is his own man, and has come out of his own long before. dios ti agngina, roy, ngem talaga a diak annugoten, ading ta agtamedak kadagiti amin a sumarsaruno kadatao. daytoy ti gapuna: nalalaingkayo nga amang ngem ti henerasionmi ta sabali ti wagas ti panagimutektekyo amin. ken kitaemon dagitoy a blog: ni Ka Loren, ni Ka Horge, ni Ka Ariel T, ni Ka Jake, ni Ka Jaime R, ken aduda pay.

  7. rva says:

    pudno a maysa a maetsro ti/iti dangadang ni agca. annugotek a maysa isuna kadagiti maestrok, nangruna iti panagdaniw ken daniw ti baringkuas ken dangadang, saan la nga iti tema wenno subject ti daniwen ngem ketdi iti panagdaniw ken panangidaniw. limed daytoy, ngem maestrok isuna nupay dina ammo, wenno dina man pasingkedan. he is an influence, he influenced all of us. good or bad, hehehe!

  8. Florentino says:

    Ala’em latta Maestro, kukua tayo amin daytoy. Maymaysa a bangir ti ayanta, di met?

  9. I will borrow your concept, but will modify it to write a response to this beautiful poem, so politically correct you end up amezed how words give us life, energy, resistance, redemption, salvation, renewal. darn right, you are the revolution as well as your revolutionary thoughts. for truly, true art is always–always, is the key word–revolutionary. it cannot be other than that. so my modification?

    Ti Sagrado a Balikas ket Maysa a Kadre

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: