Alingasaw ti Pateg


Sinapulko dagiti isemmo
Kadagiti nagpukawen nga asuk.
Kinamatko a gammatan ti lagip
Iti baet ti tangguap ken payubyob.
Adda met ketdi nabati a ramen
Ti ayatmo kadagiti bibig
Ti bote a mapekkel ti sardam
Ti tagainep ken ti tignay ti saguyepyep.
Kastoy ti ladawan iti kinaawanmo
Ditoy denna: ti rikna ket maulila,
Ti rikna ket agasuk iti ella,
Ella a gumuyod kadagiti aldaw
Tapno aglabas a napardas
Dagiti kanito nga agsaning-i ti iliw.
Kastoy met ti daniw a maputar
Ti kinaadam ditoy barukong: ket agbuabo
Ti luy-ong iti mapenpen a rag-o,
Agrikudo a rumkuas dagiti mamayo,
Mauksot dagiti dagensen
Ket agalingasaw iti pateg,
Ti panagipateg ken pinnateg
Iti dua a dinto pulos aginnadayo
Iti puso. Ti kinaawan
Ket isu met laeng ti kinaadda
No ti puso ket awanan dudua.

Advertisements

About Ka Loren
Siak ni Florentino B. Lorenzana, maysa a Filipino, Ilokano ken Pangasinan. Naiyanakak innem a bulan kalpasan ti deklarasion ti Martial Law ditoy Pilipinas. Madama a makumikom iti tignay kooperatiba.

3 Responses to Alingasaw ti Pateg

  1. yofs says:

    hala! nagadu ti saanko a natarusan! ngem ania iti ella kadi, apo?

  2. Florentino says:

    Apo unay metten. Agyamanak, Maestro. Saanka unay ket agpatangken dagiti gurongen he he.

  3. wo-wow, kaslaka met la kanionen! naglaing!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: