kebba ti panaguray


(kenni zoraida)

inpukpukkawko idin ti naganmo
ti baet alingasaw limned a ling-et.
inkur-itko metten dagiti rag-o
iti panagsangbaymo kadagiti regkang
ti pader a nasibugan angseg ti isbo.
intanamitimko metten dagiti araraw
iti baet singlot ken saibbek.
ingamerko metten dagiti dasar-sagana,
ella ti puso ken nunog ti panunot
ti baet tangguap ken payubyob,
ti baet kanakliing ken sunel
ti naglumenen a kanito
ti no manon a panawen.

napasag manen ti kalgaw.
nagdara ket naitabon ti liwengliweng
ni lagip iti maysa a malem.
agarimasa met ti muttaleng a langit
ket agkubukob dagiti billit ti leddaang
ti pannakapukaw aranaar-segga
iti inka panagsubli iti rugi
ti maysa manen a berso
ti daanen, di pay nalpas a daniw.

Advertisements

About Ka Loren
Siak ni Florentino B. Lorenzana, maysa a Filipino, Ilokano ken Pangasinan. Naiyanakak innem a bulan kalpasan ti deklarasion ti Martial Law ditoy Pilipinas. Madama a makumikom iti tignay kooperatiba.

2 Responses to kebba ti panaguray

  1. Florentino says:

    Kasta met koma kenni maestromi tapno adda a kanayon a giya ken timon kadagiti let-ang nga asakenmi iti pannakidangadangmi. Sapay koma ta kasta…Dagitioy amin ket dawatenmi iti nagan dagiti anito nga annabomi. Amen met.

  2. Dagitoy a rebolusionario, apo, kaasiam! Ikkam ida iti tured ken pia ken karadkad tapno adda mangirupir iti kalinteganmi a sangapada. Amen.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: