daludal ti tawen


Mabungon koma met ti bussog
A kas tupig, patupat ken sinuman.

Maibitin koma met dagiti arep-ep
A kas parol, dekorasion ken silsilaw

Kadagiti regkang ti tawa ket maisab-it ti saning-i
A kas medias a gumawgawawa ti abuloy.

Maipatakder koma met ti gapu
A kas krismas tri ti saritaan

Kadagiti puon ti kanito ket maipasirok ti saraaw
A kas daton ti panaguray ti panakasubbot.

Sumged koma met dagiti tagainep
A kas lusis, rebentador ken kaniobong

Kadagiti salas ti senado ket bumtak ti tignay
A kas insiwet a bomba ti pannakariing ti libay.

Mapirgis koma met dagiti dagensen
A kas pinanid ti kalendario ti panakailigsay

Kadagiti karkarma dagiti kalsada ket maipabaro ti namnama
A kas ubbing a rag-o ti panagpannakkel ti daludal ti agsapa.

About Ka Loren
Siak ni Florentino B. Lorenzana, maysa a Filipino, Ilokano ken Pangasinan. Naiyanakak innem a bulan kalpasan ti deklarasion ti Martial Law ditoy Pilipinas. Madama a makumikom iti tignay kooperatiba.

One Response to daludal ti tawen

  1. aurelioagcaoili says:

    Kasta ti mangsarabo iti baro a tawen ti ochocho. dika mamati iti musa. inimbento dayta dagiti kapitalista ken ti puedal a biag, agpada a biag dagiti agpipiapi ken agsaksaklot iti ima.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: