nagdara ti daniw


(ala ket nagsakit metten ni eman)

naibaeng ti sig-am ken aprad,
ti saplit ti makaipas a balikas.
nakiwar ti libay a nainaw
ti kasaur, sardam ti tagainep.
naikawad ti saning-i ken kiki
ti arasaas a bari-bari:
naipisok ti apro.

napekkel ti nektar ken ti katay
ti pigket ti propesional nga allid.
nasagat ti bang-i a palais
dagiti binulong, baet ti Tagudin ken Manoa.
ti baet ti tallo a parintumeng,
naipatedted ti sadiri
ken puli ti ingles a karin-kari:
naigamer ti diro.

naipasagepsep ti sam-it
ken pait ti espongha,
kupag ti naiwawa,
tallipuagaw a karkarma.
naipatugaw, manen, ti baso.
napirgis ti kagay
a barabad ti sugat.
nakiwar ti ikkis ti baki!

nabukra, manen,
ti inaw ti tignay
ti ibu ti nakem
ti tallo a siam a bin-i.
naipisok ti ungot ti ballaigi ken dir-i
ti areng-eng nga Amami:
nagdara ti daniw.

Advertisements

About Ka Loren
Siak ni Florentino B. Lorenzana, maysa a Filipino, Ilokano ken Pangasinan. Naiyanakak innem a bulan kalpasan ti deklarasion ti Martial Law ditoy Pilipinas. Madama a makumikom iti tignay kooperatiba.

2 Responses to nagdara ti daniw

  1. Florentino says:

    TY bro. Ngem napinpintas dayta Bilyar mo. Apo unay a panagtudtudokmon ‘yos. Isubmitmo ken Maestro. Para idiay Exilic Poems Collectionsna.

  2. jorge says:

    napintas nga daniw! tira latta kabagis!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: