Agburlis ti biag!


No dadduma ket nagrigat ti agsurat. Narigat ti agikurdit ti balikas. Ta, ti balikas ket makaipas. Nasaem no maisalat.

Lallalo manen no dagitoy a maisurat ket maipablaak. Ket no maipablaak, mabasa ngarud ti sabali. Daytoy a sabali ket imutektekanna dagiti balikas, dagiti naisurat a balikas, dagiti anag dagiti binnatog. Ket, saan a bumdeng a mangtalado kadagitoy nga anag.

Naragsak ti nagsurat no kastoy met ketdi a maikkan ti pateg ti naisurat.

Saankon a nanayonan ti naragpatko nga adal no akademia ti patangan. Bassit ti ammok a maipanggep ti “literary criticism.” Siak, umayen ti puro issem, isem ken semsem. Saanko nga ammo dagiti makuna nga in a porma ti daniw, dagiti risiris ti sarita a mabalin nga isalisal .

Maymaysa laeng ti ammok.

Adda ti pakaiturongan ti anag ti daniw, ti sarita, ti salaysay. Anag man ti nagsurat, bukod nga anag ti naisurat wenno anag ti nagbasa. Ammok nga adda kabukbukodan a padas-biag ti nagsurat ken ti agbasa. Kalaksidan iti dayta, adda met kabukbukodan a padas-biag ti naisurat a balikas. Ta ti balikas, ti sao, ket isu ti taeng ti biag, ti dalan ti biag, ti www ti biag, ti puon ti kultura, ti tunged ti kultura, ti kinaasinno, ken ti kinaawan.

Dagitoy laeng ti kayatko a maammo. Siasinno ti pakaiturongan ti balikas? Ania ti ladawan ti naibalikas?

Tunggal agsurat ket adda panggep. Daytoy ket para blog, panablaag dagiti nakablag, para maldit, para kontes, kur-it ti alingasaw ti isbo ti pader ken CR, plakard, para ti papel a makunes, ti basuraan, pagilo. Memo. Ti gmail wenno yahoo.

A, uray ania. Ti ammok adda latta panggep, ti gapu. Masapul ti gapu tapno adda maibaga a gapuanan.

Uray ania ti kunayo kaniak. Agsuratak ta ammok nga adda gapu.

Ammok nga adda ikkis a mairiaw. Ammok nga adda agam-amangaw iti bisin, adda tagainep a mairurumen, adda tignay a rumbeng a rumkuas, adda agbayanggudaw, adda agtallapuagaw, adda penned a madupir ket maiburwang, adda abungot a mapisang, adda ina nga agdung-aw, adu ti annak a mawaw, adu ti asawa a maarrabis ti leddaang.

Adu. Adu pay nga amma ti pumanaw.

Ha! Existentialist.

Masapul a mapisang ti bidang. Malettat ti bra. Mapugsat dagiti garter. Matippay ti appot. Makita amin. Agburlis ti biag!

Daytoy ti ammok a ladawan ti biag. Ti maisurat.

Ti iladawan dagiti balikas.

Pakawanendak koma dakayo nga an-anito ti amian.

About Ka Loren
Siak ni Florentino B. Lorenzana, maysa a Filipino, Ilokano ken Pangasinan. Naiyanakak innem a bulan kalpasan ti deklarasion ti Martial Law ditoy Pilipinas. Madama a makumikom iti tignay kooperatiba.

5 Responses to Agburlis ti biag!

  1. Pingback: No apay a tignay ken tagainep… « Tignay ken Tagainep

  2. aurelioagcaoili says:

    napananen ti akin-umok iti daytoy a pagsareban iti laing?

  3. aurelioagcaoili says:

    agur-uray datao, awan met mauray. paginaldawem ketdi koma.

  4. aurelioagcaoili says:

    nayonam, a , barok tapno makasursurokami.

  5. aurelioagcaoili says:

    great mind, great mind. you bet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: