Sirkulo a Lata


(Natayen tay agpalpalama, tino.) 

Rumkuas latta
Ti damag ti kaltaang
Dagiti rabii a mabisbisinan.
Maibitin dagiti tagainep
Iti kulay-ong ti nakem,
Ti lagip ken ti gapu:
Adda kulibagtong
Ti lanitak ken lanitog
Ti piltek a pirak
Ket agkuy-os pay ti kurranges
Iti naikurimed nga anges.
Wen, maikurimed ti panaganges,
Iti agsippaw ti limos,
Maipawil pay met ngamin
Iti agleddaang ti simron
Ken ti durmen ti kuplat
Iti limmetem ken naudatal
A dalan ti biag.

Ala ket ti sanggir nga angseg
Ti pader ket dinto agmawmaw.
Adda latta anglem ti bayanggudaw
A plastik ken balo a sagawisew
Ti dingraw a kas saksi.

Awanen ti siddaaw
Ti karkarma ti dayengdeng
Dagiti muttaleng ti kinapudno.
Addan a nabalkot ti lamiis
Ti bulag a mutektek ti biag
Iti panagdaliasat ti kakaasi.

Agdappuor ti lanitog
Ken lanitak ti pirak
Ket maitabon ti nawaya,
Ti agbukbukod a binting
Ti sirkulo a lata

Florentino B. Lorenzana
Agoo, La Union
14 November 2007

Advertisements

About Ka Loren
Siak ni Florentino B. Lorenzana, maysa a Filipino, Ilokano ken Pangasinan. Naiyanakak innem a bulan kalpasan ti deklarasion ti Martial Law ditoy Pilipinas. Madama a makumikom iti tignay kooperatiba.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: