Nagrigat Ketdin ti Marigrigat, 1!
Posted by Ka Loren on June 4, 2009
Whew! Agistayan saanak a nakastrek ditoy abongkon. Saanko met nga ammon aya ti rumbeng a tulbek ti ruanganna daytoy a kalapawko. Pirmi a pinarigatnak. Sinukitko la ket ngaruden sadiay emailko ket agyamanak man iti WP ta inikkannak manen ti baro a tulbek. Insublikon ket pinabarok metten ti tulbek.
Kastoy man ti kunana: “Incorrect Username or Password”. Ay, apo aya. No maibayagka gayam ken malipatam amin a minimini ti panagserrek. Kasano ngata met dagiti maibayag nga agkalkallautang? Masarakanda ngata met ti umno a tulbek iti umok?
Diaske ketdi. Kinugtarak daytay musak ti literatura ket ‘wan metten ti agpresenta a sukatna.
May man ta biag ken politika ti intay man ket binsiren. Saan a dagita cha-cha kas kada eleksion ti kunak. Dagitoy iruanganko itatta ket masapul ti political will.
Makonsensiaak ngarud ta naglumenak ditoy tapno irugik man met ti kunkunak a “Quest for Money Online”. Nangipatakderak ti sitio a pagkayasak man ti wagas a pagaramid ti kuarta. No kayatyo a pasiaren ket daytoy ti naganna: MONEY $ WORK @ HOME.
Neay, baro pay ketdin ti panagi-insert ti link ditoy WP.
Adda pay maysa a pakakumikomak. Isu daytoy ti abong a pagipenpenpenak kadagiti masukimatko a damdamag ken wagas maipanggep ti Non-Hodgkin’s Lymphoma, maysa a klase ti sakit a mabalin a kanser nga isu met ti sagsagabaen ita ti madaydayaw nga inak. Mabalinyo met a pasiaren ngem madama pay laeng ti pannakasigpetna dagiti pan-awna. Isu man daytoy, STOP LYMPHOMA CANCER (PHILS).
Pagpasensiaandak bassiten ngamin ket masapulko ti sponsors tapno makaurnongak ti pagpaagas ti inak. Ditoy met ngamin WP.com ket saan a mailubos ti sponsor ads ken donation button ti paypal. ‘wan met ngarud ti igatangko ti domain name ken pagabangko ti site hosting.
Ala ket no kayatdak latta met a suroten ket agsubscribe kayo kadagiti blogsko a dua. Madama pay ketdin met ti balabala ti maysa a sitio a pagkaduanmi ke Ka Eli, mabalin pay a mairaman ni Ka Jake wenno ni Ka Roy.
Adda pay maysa a planok a mabalin a makatulong kadatayo amin. Apay a saantayo agipatakder ti website a pakaidownloadan kadagiti liblibro a sinurat dagiti Ilokano? Mabalin nga e-book ken mabalin met a Paid E-books.
Imbes a gumastotayo pay ti pannakaimprintana, idownload laengen dagiti mayat nga agbasa ket makaammodan nga agiprinta. Siempre, per print a ket adda bayadna. Saan met a maidownload no ‘wan bayadna. Kasano Ka Agca? Ka Jake? Ka Roy? Ken aminen a mayat a makigamulo. Ti maysa pay a mayat a konsepto ket daytoy a site ket aramidentayo nga online cooperative. Nalabit datayo ti umuna a Online Cooperative Publishing.
Wen, kada miembro a ket masapul met nga adda itedna a share capital. Editors? Makaammo kayon nga agbirok ti editors.
Adda koma pay ipostek ditoy maipanggep ti kinakurapay ngem inton bigatton. Kuna ti Washington Post, iti posteda idi Mayo 28, 2009: Politics of Poverty: Poor are Paying the Most.
La ketdi a. Di met?
Online Publishing Cooperative, Kayatyo? « Tignay ken Tagainep said
[...] Nagrigat Ketdin ti Marigrigat, 1! [...]
rva said
napintas daytoy, ka loren. iyemailmo koma ngarud ti detaliena, pls.
brainteaser said
hmmmm….
kasla mayat sa a, manong!
Agca said
Good idea, Ka Loren! Brilliant! We are reviving our cooperative and hope we can incorporate all your brilliant suggestions.
Ka Loren said
adda nasagangko a site a kasla kastoy ti aramidda, mi kunak koma a ta miembroak idtoy a site ngem saan a literary site, affiliate marketing site ngem mayat ti konseptona. Sold outak. Kunak, mayat daytoy a maaramid para kadagiti Ilocano Writers. Isuratkonto a saggaysaen ti featuresna manipud log-in to recruitment to sales ket makaammonton no adda mangtakaw daytoy a konsepto. Sapay koma a ta makaaramid ni Ka Jake wenno ni RVA ti site. I will email you for the details…?